--Ads--
Ipakita ti Ombudsman iti publiko no ania ti linaon ti telepono ni dati a Department of Public Works and Highways Usec Maria Catalina Cabral para iti transparency.
Dayta ti impasigurado ni Palace Press Officer Atty. Claire Castro no la ket malpas ti forensic examination iti telepono ti dati nga opisial.
Segun ken ni Castro, inkari ti Ombudsman ti transparency ken ipakitada ti linaon ti files ni Cabral.
Namnamaenna nga ar-aramiden ti Ombudsman ti husto nga addang mainaig iti agtultuloy nga imbestigasion ti flood control scam a nakairamanan dagiti dadduma nga opisial ti DPWH, dagiti kongresista, ken pribado a kontraktor.
-- ADVERTISEMENT --
