Nagipatungpal ti Department of Social Welfare and Development (DSWD) ti skeletal workforce kadagiti sumagmamano a serbisio ita a Semana Santa, ngem agtultuloy ti kritikal nga operasion kas ti Minors Traveling Abroad (MTA) processing ken disaster response.
Segun ken ni DSWD spokesperson Assistant Secretary Irene Dumlao, agtaltalinaed nga operational ti MTA permit processing manipud Maundy Thursday agingga Good Friday tapno matulongan dagiti biyahero nga adda kadua da a menor de edad.
Kabayatanna, temporario nga impasardeng ti ahensia ti regular nga operasion ti Assistance to Individuals in Crisis Situations (AICS) a manamnama nga aglukat inton Abril 6.
Innayon pay ti ahensia nga agtultuloy ti skeletal teams iti central ken field offices ti ahensia tapno siguradoen ti kinasagana ti emergency ken agtultuloy a serbisio publiko iti panawen ti long weekend.
