VIGAN CITY – Manarimaan iti panang-verify ti Office of Civil Defense nu adda kainaigan ti panagduprak ti Bagyo Aghon ti nairekord a lima a natay ken pito a nadunor.
Segun ken ni ti Office of Civil Defense Spokesperson Director Edgar Posadas, manarimaan ti panangverifyda iti uppat a natay manipod CALABARZON ken maysa manipod Region 10.
Nairekord pay iti pito a nadunor a dagiti uppat ket natupakan iti kayo bayat a nakalugan ti tricycle idiay Legazpi, Albay idinto a dagiti tallo ket agtultuloy a madukduktalan nu ania ti rason ti pannakadunorda.
Kabayatanna, nasuspenso ti operasyon ti dadduma a pantalan iti pagilian gapu iti epekto ti Bagyo Aghon.
Innayon pay ni Posadas nga awan pay laeng ti biahe ti dadduma a pantalan idiay MIMAROPA, CALABARZON, Region 5 ken 7 gapu iti napigsa a dalluyon ket na-stranded ti 3,852 a pasahero a kaadoan ket manipod CALABARZON.
