--Ads--
Nakemmeg dagiti lima a nagsusugal babaen iti naiwayat nga Anti-Illegal Gambling Operation iti Barangay Salapasap, Cabugao, Ilocos Sur.
Dagiti suspek ket agpapada nga agnaed iti Barangay Daclapan ken Barangay Salapasap, Cabugao.
Iti pannaki-uman ti Bombo Radyo Vigan ken ni PMAJ. Juan Jhayr Maggay, dagus a nagtignayda idi maawatda ti report ti maysa a concern citizen nga adda napigsa a sugal iti maysa a natayan iti nasao a lugar.
Apaman a makasangpet dagiti nagresponde a kapulisan, dagus a nagtataray dagiti dadduma.
-- ADVERTISEMENT --
Nakumpiskar manipud kadagiti naaktuan a suspek nga agaayam iti Lucky 9 ti maysa a set ti baraha, ken P10,087 a pusta.
Adda itan iti Cabugao Municipal Police Station dagiti suspek tapno dumalanda iti husto a proseso.
