--Ads--
Impaganetget ni House Speaker Faustino “Bojie” Dy III ti kinapateg iti responsibilidad ken akem dagiti barangay tapno maleppas ti korapsion kangrunaan kadagiti proyekto iti imprastraktura.
Kiniddaw ni Dy kadagiti opisial iti barangay nga amwen dagiti proyekto wenno programa ti Department of Public Works and Highways (DPWH) iti tunggal distrito.
Segun ken ni Dy, dakkel ti akem dagiti barangay tapno mabantayan ti implementasion dagiti proyekto iti DPWH iti masakupanda tapno masigurado nga standard ken saan a makorkorap iti kuarta dagiti umili.
Inlawlawag ni Dy a ti panangipasa iti national budget ket umuna nga addang laeng ken sumaruno iti nainget a panagbantay kadagiti proyekto iti gobierno ti tunggal kagimungan a nakailatangan ti pondo.
-- ADVERTISEMENT --
