Agsagsaganan dagiti lider ti kamara ti 19th Congress para iti umay a 20th Congress, ken nangaramidda iti ‘unity meeting’ mano nga aldaw sakbay ti eleksyon.
Segun ken ni Deputy Speaker David Suarez, kongresista manipud Quezon Province, mapokusan iti taripnong dagiti administrative matters iti sumaruno a tallo a tawen.
Pokusanda pay ti administrative arrangements ken legislative priorities ti 20th Congress a naituding nga agconvene inton Hulyo.
Manamnama met a mapakita dagiti House prosecutor ti articles of impeachment kontra ken ni Vice President Sara Duterte.
Iti agdama, sumali kas miembro ti prosecution panel da Mamamayang Liberal nominee Leila De Lima, ken Akbayan nominee Chel Diokno.
Ti nabukel a panel sakbay ti eleksyon ket pakaibilangan da Antipolo City Rep. Romeo Acop, Manila 3rd District Rep. Joel Chua, Iloilo 3rd District Rep. Lorenz Defensor, Bukidnon 2nd District Rep. Jonathan Keith Flores, Batangas 2nd District Rep. Jinky Luistro, 4Ps party-list Rep. Nonoy Libanan, Oriental Mindoro 1st District Rep. Arnan Panaligan, ken San Juan District Rep. Bel Zamora.
Saan pay a sigurado ti reelection ni 1-Rider Partylist Rep. Rodge Gutierrez ta simsimpaen pay laeng ti Comelec ti seat distribution para kadagiti partylist group.
