VIGAN CITY – Naibaba ti 2.5 ti level ti restriction a maipapatungpal idiay Auckland, New Zealand kalpasan iti manu a lawas a lockdown gapo iti COVID19 transmission.
Ti pannaki-uman ti Bombo Radyo Vigan kenni Bombo International Correspondent Estella Shayne Quinto, nurse idiay New Zealand, saan pay a naikkat dagiti maipapatungpala restriction ti nasao a pagilyan ta adda dagiti inyetnag ti gobyerno a guidelines a suruten dagiti umili.
Kagiddan ti panagsubli ti trabaho, panaglukat iti klase ken restaurant inmandar ni Prime Minister Jacinda Ardern iti panagsuot ti face mask no agsakay kadagiti pampubliko a pagluganan.
Agararamat payen ti New Zealand ti application a mangtulong ti gobyerno iti isayangkat da a contact tracing no sadino makita iti lugar a napnapanan dagiti tattao babaen ti Q.R Code.
