--Ads--
Inlawlawag ti maysa nga eksperto a ti leptospirosis ket saan laeng a maala iti danum ti tudo a kontaminado iti isbo ti bao no di ket uray iti rugit ti sabali pay a dingwen.
Segun ken ni Dr. Bengco-Tan, mabalin a maala ti sakit uray no awan ti dunor no la ket nayuper iti kontaminado a danum gapu ta ti bakterya ket nadaras a sumrek iti kudil ti tao ken dagus a puntiryaenna ti bato ken dalem.
Balakad ti doktor a no saan a maliklikan ken no kanayon a magna iti tudo ket masapul a mabantayan dagiti sintomas.
Saan a makaakar ti nasao ngem mabalin a maulit iti maysa a tao nangruna no masansan nga exposed iti bakterya.
-- ADVERTISEMENT --
