Inyatiddog ni Sen. Loren Legarda ti medical leave-na iti Senado agingga inton bigat, August 19 kas kinuna ni Senate Secretary Renato Bantug Jr.
Impakada ti opisina ni Legarda iti Senate Secretariat a naka-medical leave ti senadora manipod August 17 agingga 19, ngem saanen a naipakaammo iti medical condition-na.
Dayta iti maikatlo a paset ti medical leave ni Legarda ita a bulan.
Immunan a nag-leave isuna idi August 3 agingga 5 ken nag-leave manen idi August 11 agingga 12.
Kagiddan ti panagliwayna ti agtultuloy a preliminary investigation ti Office of the Ombudsman maipanggep ti plunder ken graft complaints kontra kenkuana ken ti annakna a ni Batangas 1st District Rep. Leandro Leviste nga adda pakainaigan ti solar energy project ken franchise.
Immunan a kiniddaw ni Legarda iti publiko a saan nga inaig ti medical leave-na ken panagbiahe kadagiti alegasion kontra kenkuana nga inawaganna a palso ken awan pagibasaran.
