Mariknan ti panagpangina ti presyo ti petrolyo idiay Lebanon kagiddan ti mapaspasaran a riribuk iti nagbaetan ti Amerika, Israel ken Iran.
Iti pannaki-uman ti Bombo Radyo Vigan ken ni Karen bou Ramia Bassil, agindeg iti Beirut, sipud idi Marso 5 ket ngimminan iti 150 dollars ti presio ti langis.
Kunana nga uray no saanda a naapektaran iti riribuk ket mariknada ti epektona gapu kadagiti panagpangina dagiti magatang iti pagilianda.
Dayta ket gapu ta kayat dagiti negosiante ti makapastrek ti ad-adu ken narigat ti pannakaisangpet ita dagiti banag iti pagilianda gapu iti adu a flight a nakanselar.
Nupay kasta, impasiguradona a natalgedda ken makapagbibiagda latta met a normal.
Kabayatanna, innayon met ni Bombo International News Correspondent Rowena Bagoyo a saan a maipalubos itan idiay Lebanon ti hoarding no aggatang.
Kas koma iti panaggatang iti agas a limitado laeng iti maysa ti gatangen ti maysa a tao. Impasiguradona a saan a nagkurang kadakuada ti Embahada ta agtultuloy ti repatriation kadagiti kayatna ti agawid
