Kiniddaw ni Parañaque 2nd District Rep. Brian Yamsuan iti liderato ti Kongreso nga ipasa ti pinutarna a gakat a mangdoble iti minimum annual leave benefit dagiti empleado, saan laeng nga iti gobierno no di ket uray iti pribado a sektor.
Maibasar iti House Bill 6602, agbalin a 10 nga aldaw ti leave benefit dagiti mangmangged manipud iti agdama a 5 nga aldaw no naipasa ti gakat iti kabiitan a panawen.
Patien ti agpampandaylinteg a makatulong ti nasao a gakat tapno maksayan ti work-related stress ken pannaka-burnout dagiti mangmangged no agbalinen daytoy a linteg ken maipatungpal iti intero a pagilian.
Innayon ni Yamsuan a 50 tawen ti 5-day annual paid leave wenno ti maaw-awagan a Service Incentives Leave a kababaan iti intero a Southeast Asian countries gapu ta ti laeng Brunei, Malaysia, Myanmar, Singapore ken Thailand ti mangipapaay iti 6-10 a Service Incentive Leave.
