VIGAN CITY – Panaglabsing ti Republic act 9287 wennu Anti-Illegal Gambling Act iti sangwen dagiti nakemmeg dagiti otoridad nga agop-operate ti online sabong idiay Santa Square Arena, Barangay Mabilbila Sur, Santa idi June 23, alas dyes trese iti agsapa.
Dagiti nakemmeg ket isu da Christian Jay Fruelda, Joey Gambalan, Aljohn Pula, Rolevan Juadiong, Gerald Flores, Michael Forteza, Resnie Saberon, Levy Base, Raymond Manliclic kenni Alex Gallo.
Naala kadagiti suspek iti walo a camera nga adda tripod na, 5 a desktop computer, maysa a laptop, innem nga internet modem ken naduma-duma a kable a masapul da iti online-sabong.
Naipan idiay Criminal Investigation and Detection Group- Ilocos Sur Police Field Unit dagiti nakemmeg a suspek ken dagiti nakumpiskar nga alikamen kadakuada.
