--Ads--
VIGAN CITY- Malicious mischief ti sangwen a kaso ni Carlo Elorza, agtawen iti uppat a pulo ket tallo, naasawaan, karpintero ken agnaed idiay Barangay Olo-Olo Norte, Santiago, Ilocos Sur gapu iti panangbansag na iti limmabas a Partas bus a minaneho ni Juvy Boy Estoque.
Segun ken ni PSInsp. Aristeo Tajon, hepe ti Santiago PNP, agur-uray iti lugan na ni Elorza ta mapan na kitaen ti nagtalaw nga asawa na idiay Santa ngem gapu ta awan iti mangilugan kenkuana a bus, binansagna ti Partas a nanglabas kenkuana.
Ngem, nagsardeng ti bus ket nagtaray ti suspek ngem nagpatulong da kadagiti pannakabagi ti linteg a poon iti nakakemmegan na.
Nakabalud itan idiay Santiago PNP ti suspek.
-- ADVERTISEMENT --
