VIGAN CITY- Problema ti ayat iti mapapati a nagbekkelan ni Bernardino Camado Ibo nga agtawen iti tallo pulo ket lima, inspector ti maysa a bus company ken agnaed idiay Barbar, San Juan idi March 9 , alas sais kinse ti rabii.
Segun ken ni Police Senior Inspector Jade Macaraeg, hepe ti San Juan municipal police station, naistorya ti biktima iti ina na a pimmanaw ti babai a kadendenna na nga isu iti atapen da a rason iti nagbekkelan da.
Naudi a nakita a sibibiyag ti biktima idi ala una ti malem idi March 9 ta napan pay laeng iti family house da ket adda sapsapulen na agingga nga idi rumabiin ket nakita laengen ti biktima a nakabitin iti uneg ti paggigiyanan na a kubo iti likod ti family house da ket adda pay ti nakita ti putot na a love notes inaig iti problema na ti live in partner na.
