Maysa a lalaki ti pinaltugan ti riding-in-tandem idiay Barangay Sagsagat, San Ildefonso, Ilocos Sur.
Ti biktima ket agtawen iti limapulo ket pito, agnaed iti Barangay Naglaoan, Sto. Domingo.
Iti pannaki-uman ti Bombo Radyo Vigan ken ni PCPT. Joseph Fieldad, Acting Chief of Police iti San Ildefonso Police Station, agaw-awid ti biktima nga agmanmaneho iti motorsiklona idi kinamat daytoy dagiti riding-in-tandem a nangpaltog kenkuana iti namitlo a daras.
Nagsagaba ti biktima iti dunor iti kannawan a takyag ken imana ket naitaray iti ospital para iti naan-anay a pannakatamingna.
Naala manipud iti nakapasamakan ti pammaltog ti maysa a fired cartridge case ken live ammunition ti caliber 45.
Maysa kadagiti ad-adalen dagiti pannakabagi ti linteg ti insidente a nakairamanan ti biktima idi 2022, ngem nupay kasta ket agtultuloy ti panangimbestigarda iti napasamak.
Naiwayat metten ti hot pursuit operation para iti pannakakemmeg dagiti suspek.
