VIGAN CITY – Dead on the spot ti maysa a lalaki a pinaltugan iti kabsat na idiay Brgy. Labut Sur, Santa.
Nabigbig ti biktima a ni Edilberto Nartatez agtawen lima pulo ket pito ken iti suspect a kabsat na a ni Modesto Nartatez agtawen innem a pulo ket maysa.
Segun ti imbestigasyon ti Santa Municipal Police Station, nagprobokar ti biktima gapo iti pannakatay iti manok na idi kalman iti rabii ket itay bigat sinaludsud ti suspect no ania iti kayat na nga isukat iti natay a manok na ket insigida lattan nga inatakar ni Edilberto iti kabsat na babaen iti iggem na samurai.
Pinaltugan ni Modesto iti kabsat na babaen ti mapapati a caliber 45 ken nakarekobre dagiti pulis ti lima a basyo ti nasao a paltog.
Ti pannaki-uman ti Bombo Radyo Vigan ti suspect a ni Modesto dinepensaran nalang iti bagi na ken adda iti daan a susik da iti kabsat na.
Ti agdama dumalan ti paraffin test ti suspect kas panangsurot ti proseso ti Philippine National Police.
