VIGAN CITY – Agtultuloy iti imbestigasyon dagiti pannakabagi ti linteg iti napasamak a pammaltog idiay Brgy. Sacuyya Sur, Santa.
Nabigbig ti biktima a ni Miguel Sandino Borje agtawen tallo pulo ket duwa, single, laborer ken agnaed iti nasao a barangay.
Ti pannaki-uman ti Bombo Radyo Vigan kenni P/Lt. Sygman Benigno, hepe ti Santa Municipal Police Station, agawiden ti biktima a nakalugan iti tricyclena idin paltugan iti namin dua a daras dagiti saan pay a nabigbig a suspect.
Nagsubli a napannagpaarayat ti biktima kadagiti kainninoman na idiay Brgy. Sacuya Norte ket naitaray idiay Metro Vigan Cooperative Hospital ngem pimmusay gapo iti adu ti nagsayasay a darana.
Nagsagaba iti dunor gapo iti pammaltog ti biktima iti akin kannawan ken kannigid a luppo na.
