Agpapalaing iti ospital ti maysa a lalaki nga immuna a naireport a naaksidente idiay Barangay Bayubay Sur, San Vicente ngem naduktalan a biktima iti pammagkong.
Nabigbig ti biktima a ni Ryan Barcarse Vicencio, agtawen iti duapulo ket lima, taga-Barangay Taleb, Bantay.
Iti pannaki-uman ti Bombo Radyo Vigan ken ni P/Capt. Pedro Halover ti San Vicente Police Station, napan ti biktima iti imbaga ti textmate na a babai a kunana ket barkadana iti pagsarakanda a lugar ket nakatugaw iti luganna ti biktima nga agur-uray agingga a lalaki ti simmangpet nga isu ti nangbagkong kenkuana a nakapuntaan ti takyagna.
Pinadas ti biktima nga itaray ti bagina iti ospital ngem gapu iti mapapati a panagsayasay ti dara iti bagina ket saanna a nakontrol ti manibela ti luganna ket naidungpar iti arko.
Iti agdama, adda met iti kuerpo ti pulisyan ti suspek ken manarimaan ti panangimbestigar dagiti pannakabagi ti linteg iti pasamak.
Iti agdama, imon ti rumrumuar a motibo iti pammagkong ta maipagarup a ti suspek ket nobio ti textmate ti biktima.
