VIGAN CITY – Balligi ti pannakakemmeg ni Jalil Dibansa, agtawen ti dua pulo a taga Marawi City, Lanao del Norte ngem temporaryo nga agnanaed idiay Brgy. San Jose, Candon City iti naisayangkat a buy bust operation idiay Brgy Langlangca 1st, Candon City idi October 30.
Ti nasao nga operasyon ket insayangkat iti nagtipon a pwersa ti Candon Police Station, ken Provincial Intelligence Branch ken Ilocos Sur Provincial Police Office.
Naala kenkuana ti dua a transparent heat-sealed plastic sachet a naglaon iti mapapati a napagango a bulong ti marijuana a maidalan to ti laboratory examination ken dua a sangagasut a pisos a marked money.
Agsipud iti dayta, maisagsaganan iti kaso a panaglabsing ti RA 9165 wenno Comprehensive Dangerous Drugs Act of 2002 a maipila kontra ti suspek.
