VIGAN CITY – Nakemmeg ti agtawen ti sangapulo ket walo a lalaki a mapapati a nangbansag ti maysa a Partas bus idi alas dyes y media iti rabii ti October 6 idiay national highway ti Barangay San Antonio, Narvacan.
Nabigbig ti suspek a ni Jefferson Gandeza nga agnaed iti nasao a barangay.
Kabayatanna, ti nagmaneho ti nasao a bus ket ni Romeo Lazarte Jr., nga agtawen ti uppat a pulo ket lima, naasawaan ken agnaed idiay Barangay Sulvec, Narvacan.
Maibasar iti inisyal nga imbestigasyon, agpapa-abagatan ti nasao a bus idi binansag ti suspek a nakatakder iti akin-daya a shoulder iti kalsada isu nga adda bassit iti dadael iti akin- kannigid a paset ti bus.
Insigida a naireport kadagiti otoridad iti pasamak ket nangisayangkat da iti hor pursuit operation agingga a nakemmeg da ti suspek idiay Barangay Sta. Lucia, Narvacan.
