VIGAN CITY – Tinulungan ti Santa Municipal Police station, Santa LGU ken Municipal Social Welfare and Development Office a makaawid ti maysa a lalaki idiay Antipolo, Rizal.
Nabigbig ti lalaki a ni Eric Tolentino Jr agtawen tallopulo ket dua ken residente ti Penafrancia, Mayamot, Antipolo, Rizal.
Basar ti report manipod Santa Municipal Police Station, impan dagiti opisyales iti barangay ti maysa a lalaki a nagturong iti barangay hallda.
Bayat iti pannaki-uman ti PNP kenkauana, naammuan a nagturong ditoy probinsya ni Tolentino ta agsapol ti panggedan ngem awan iti nasapolanna iso nga agsubli kuman idiay Rizal ngem awan iti naananay a kwartanan.
Naibingay ni Tolentino a naapektaran iti COVID19 iti trabaho na ta nagsarra ti kumpanya ken nairana a na-demolish iti pagtaenganda a natawidda.
Naipakammu iti opisina ni MSWDO Genevieve Tejada Balbuena ti kasasaad ni Tolentino iso nga insigida a nagtignay ti LGU babaen ti panangidaulo ni Mayor Jesus “Popoy” Bueno Jr ket naikkan ti tallo ribo a pisos ni Eric.
Intulod dagiti otoridad ni Tolentino iti bus station ken ginatanganda ti ticketna tapno maaawiden.
