VIGAN CITY – Awan ti makitkita a foul play ti pannakatay ti maysa a lalaki a nasarakan ti maysa a pagdagusan idiay Bayubay Sur, San Vicente, Ilocos Sur.
Iti pannaki-uman ti Bombo Radyo Vigan ken ni PCpt. Pedro Halover manipod San Vicente Municipal Police Station, nakaawatda ti tawag inaig ti pannakasarak ti biktima manipod National Capital Region ket naamoan nga alas dos y media pay laeng iti parbangon itay a nag-check in a maymaysana ket nakaituding nga agcheck out iti alas dose iti aldaw.
Segun ken ni Halover, saan a mauray dagiti staff ti panagruar ti biktima isu nga impadasda a tinugtog ken pinagunyan ngem saan a sumungbat ket idi namin-ano a darasen a panangpagunin ket nagtawagdan kadagiti barangay tanod iti lugar nga isun ti naglukat a gappuanan ti pannakaduktalda a natayen.
Patien dagiti otoridad a na-overdose ti biktima ta adda nasarakan a bote iti antihistamines wenno agas a pangontra iti allergy a posible a rason ti nakatayanna.
Napakaammoanen ti pamilia ti biktima iti pannakatayna ket napalaus a kigtotda ta nakadanon ditoy probinsia ta awan met ti nadakdakamatna a parikotna.
