--Ads--

Nasarakan nga awanen ti biag ti maysa a lalaki idiay Laslasong, Sta. Maria, Ilocos Sur.

Nabigbig ti lalaki a ni Rolly Ramirez, agtawen iti uppat a pulo ket lima, awanan ti asawa, self-employed, taga-Baliw-Daya, Sta. Maria ngem agnanaed idiay Laslasong.

Iti pannaki-uman ti Bombo Radyo Vigan ken ni PLt. Jenson Refuerzo a Deputy Chief of Police iti Sta. Maria Municipal Police Station, nakaawat dagiti otoridad ti pakaammo maipanggep iti nasarakan a natay iti Arreola residence iti nasao a barangay isu a nagrespondeda.

Naammoan iti ina ti biktima a ni Erlinda Dacquel Ramirez nga adda history iti hypertension ti biktima ken saanen nga agnanaed iti ayanda.

-- ADVERTISEMENT --

Iti imbestigasyon ket dua nga aldawen nga agin-inom iti arak ti biktima isu nga idi napanda kinita itay parbangon, October 22, 2025 ket isu metten iti pannakaduktalda a natayen.

Awan met iti aniaman a senyales a naparigatan ti biktima isu a saanen nga immannugot ti pamiliana nga idalan iti autopsy.