VIGAN CITY – Nasarakan nga awan biagna ti maysa a lalaki a mapapati a nagbekkel idiay Brgy. Baringcucurong, Suyo.
Nabigbig ti biktima a ni Harvey John Galdican Quilop agtawen ti tallo pulo ket dua, single , mannalon ken agnaed ti nasao a barangay.
Segun ti Suyo Municipal Police Station, nakaawat da ti report inaig iti insidente iti panagpakamatay ti nasao barangay ket naammuanda a nasarakan nga awan ti biagna iti uneg ti kwartona ni Quilop a nakaibitin babaen ti nylon.
Rimmuar ti imbestigasyon ti kapulisan a sakbay ti panagpakamatay napan ti biktima iti pagtaengan ni Greg Quilop a nakiinninom ti arak ket idi alas nueve ti rabii idi November 5 nakawid ti biktima ngem idi makariing ti inana a ni Lucita Quilop tapno umisbo nadlawna a nakalukat ti T.V da iso a napanna iniddep ket nakigtot laengen ta nakitana a nakabitin ti anakna iti uneg ti kwartona.
Naipan idiay Ilocos Sur District Hospital- Bio , Tagudin ti biktima ngem naideklara a dead on arrival ken iti agdama dukduktalen dagiti pannakabagi ti linteg no ania ti rason iti panagbekkel ti biktima.
