VIGAN CITY- Kinumpirmaran ni PCInsp. Winnie De Vera, Police Community Relations (PCR) Chief ti Ilocos Sur Police Provincial Office a ti napapatay a suspek a ni Leonardo Portela ti Vical, Sta. Lucia ket isu iti innaganan ken intudo a supplier dagiti drug personality a nakemmeg kadagiti napalabas nga anti-illegal drug buy bust operation iti probinsiya.
Segun ken ni De Vera, idi naamuan da iti naan-anay nga impormasyon inaig ti suspek babaen iti verification ken nainget nga imbestigasyon ket nangiwayat da iti buy-bust operation kontra kenkuana idiay Bagani Gabor, Candon City a poon iti nakatayan na.
Immasot iti paltog ken pinaputukan ti suspek iti mamindua a daras iti katransaksyon na idi nadlaw na a pulis iti mamindua a daras ngem saan a naan-ano ta naka-bulletproof vest ket bimmales dagiti kakadua ti poseur-buyer a nakatamaan ni Portela nga uray nu naitaray iti kaasitgan nga ospital ket natay.
