--Ads--
VIGAN CITY- Napilaanen iti kaso a parricide ni Marcelino Bites, Jr., agtawen iti dua pulo ket uppat ken residente ti Sitio Bugbugwis, quilliat, Langiden, Abra gapu ti mapapati a panangpatay na ti ina na a ni Norma Bites, agtawen iti lima pulo ket innem.
Segun ken ni PSInsp. Mark Stephen Paguirigan, hepe ti PNP-Langiden, inaklon ti suspek iti panangipang-or na ti rebulto ti ulo ti inana a poon iti nakatayan na ngem agtultuloy iti naun-uneg nga imbestigasyon da ti nasao a pasamak.
Maipalagip a ti nasao a pasamak ket nakadanun iti opisina ti PNP Langiden idi agsapa ti January 6 ket naamuan a naitaray pay laeng idiay Abra Provincial Hospital idiay Bangued, Abra ti biktima ngem naideklerar a dead on arrival.
