--Ads--
VIGAN CITY- Manarimaan iti imbestigasyon dagiti otoridad iti pannakalmes ni Salvador Lapic, agtawen iti lima pulo ket maysa, naasawaan, mannalon ken residente ti Barangay Amilongan, Alilem.
Segun ti inisiyal a report, kadua ti biktima ni Daniel Lacbongan, agtawen iti tallo pulo ket lima, naasawaan, mannalon ken residente ti Cayapa, Bakun, Benguet a bimmallasiw idiay Chico river babaen ti rakit ket idi nakadanun da iti asideg ti spillway, timpuwak da iti danum ket naglangoy da agingga ti bangkag ngem, naiyanud ti biktima gapu ti napigsa a kuryente ti danum agingga a nakita ti maysa a concerned citizen a bangkayen.
