Nakemmeg ti maysa a lalaki nga agtawen iti tallopulo ket uppat, addaan ti live-in partner, mannalon, agnaed idiay Barangay Turod, Narvacan a high value individual iti naisayangkat a buy bust operation idiay Barangay Sulvec, Narvacan, Ilocos Sur idi January 4, 2025.
Iti pannaki-uman ti Bombo Radyo Vigan ken ni PMaj. Christopher Ramat nga office-in-charge iti Narvacan Municipal Police Station, ti suspek ket nakemmeg idin gapu met laeng iti droga ta naiwayatan iti search warrant iti napalabas a dua a tawen.
Segun ken ni Ramat, addan dagiti personalidad nga impakaammo ti suspek kadakuada a mabalin a makatulong iti nayon nga imbestigasyonda.
Naala manipod ti suspek ti drug evidence a dua a heat-sealed transparent plastic sachets iti mapapati a shabu nga agdagsen iti 0.3 a gramo ken mapatta-patta nga aggatad ti P2,040.
Dagiti non-drug evidence a maysa a piraso ti P1,000 bill a nagserbi a buy bust money, maysa a piraso iti P1,000 bill a possession money, maysa a piraso iti blue Vivo Cellphone, ken maysa a disposable lighter.
Ballaagna kadagiti agar-aramat iti ilegal a droga nga agbalbaliwdan ta siguradoenda a makemmegda nu saanda nga ikkaten ti madi nga aktibidadda.
VIDEO – PMAJ. CHRISTOPHER RAMAT
