Nakemmeg ti maysa a lalaki nga agtawen iti duapulo ket uppat, awanan trabaho nga agnaed idiay Barangay Pug-os, Cabugao, Ilocos Sur iti naisayangkat a buy bust operation iti nasao a lugar.
Iti pannaki-uman ti Bombo Radyo Vigan ken ni PMaj. Juan Jhayar Maggay a hepe iti Cabugao Municipal Police Station, babaen iti panagtitinnulongda a pannakabagi ti linteg ket naisayangkat ti operasyon a gappuanan ti pannakakemmeg ti suspek ken nakaalaan kenkuana ti maysa a heat-sealed transparent plastic sachet iti mapapati a shabu nga agdagsen iti 0.335 a gramo ti mapapati a shabu.
Segun ken ni Maggay, naala pay manipod ti suspek iti maysa a piraso iti sangaribo a pisos a buy bust money, maysa a color green pouch, dua a piraso iti disposable lighter, maysa a piraso ti orange improvised plastic straw scoop, maysa a piraso iti glass tooter, maysa a unit iti Redmi A3 cellular phone ken maysa a piraso iti sangagasut a pisos.
Iti agdama ket addan iti kustodiya ti Cabugao Municipal Police Station ti suspek tapno dumalan ti husto a proseso.
VIDEO – PMAJ. JUAN JHAYAR MAGGAY
