Kaso nga Attempted Qualified Tresspass to Dwelling ti sangwen ti maysa a lalaki gapu iti pananggandatna a sumrek iti pagtaengan ti maysa nga abogado idiay Barangay San Antonio, Candon City, Ilocos Sur.
Nakemmeg ti suspek nga agtawen iti sangapulo ket walo, agnaed iti Barangay Bagar, Candon City.
Ti met biktima ket abogado nga agtawen iti tallopulo ket maysa, agnaed iti Barangay San Antonio.
Adda iti uneg ti banyo ti biktima idi nakangngeg iti makapadudua nga uni iti pagtaenganna.
Idi rimmuar ti biktima manipud iti banyo, nakitana ti suspek a sumsumrek iti pagtaenganna babaen iti sliding window a ti kagudwa ti bagina ket nakaunegen.
Binugtak ti biktima ti suspek isu a nagsardeng ken timmapuak met laeng iti ruar sa nagtaray.
Kinamat met daytoy ti biktima isu a nakemmeg babaen kadagiti nagresponde a pulis.
