--Ads--
VIGAN CITY— Nakemmeg ti maysa a lalaki idiay Brgy. Namnama, Sinait, Ilocos Sur kalpasan a naaktuan nga agkolkolekta iti kuarta a pataya iti iligal nga Small Town Lottery (STL) bookies.
Nabigbig ti suspek a ni Romeo Ines Agsalog a taga Brgy. Ricudo, Sinait.
Maibasar iti imbestigasyon ti PNP- Sinait, naaktuan da nga agkolkolekta iti kuarta iti STL manipud iti maysa a lalaki a naglibas kalpasan a nadlawan na ti operasyon dagiti otoridad.
Inaklon ni Agsalog nga itultulod na dagiti nakolekta na a taya idiay Badoc, Ilocos Norte a mapapati a pakaar- aramidan iti bola ti nasao a sugal.
-- ADVERTISEMENT --
Ti STL Bookies ket maibilang nga illegal a sugal agsipud ta awan iti pammalubos mandipud iti Philippine Charity Sweepstakes Office (PCSO).
