--Ads--
VIGAN CITY- Nakemmeg ni Oliver Almazan Bonete, agtawen ti dwa pulo ket uppat, helper ken taga Calaba ,Bangued gapu iti panagtakaw na ti sangagasut lima pulo a kilo ti lansa iti pagub-ubraan na nga Abra Fairway Hardware gapu ta naduktalan iti maysa a barangay tanod idiay Zone 7, Bangued, Abra.
Maibasar iti report, sinitar ti barangay tanod a ni Joselito Dela Vega, naasawaan ken taga Zone 7, Bangued, Abra, ti suspek a nakalugan ti tricycle ta mapagduduaan ti tignay na ket dita a naduktalan na a nagkarga ti innem a box ti lansa nga agdagsen ti dwa pulo ket lima a kilo iti maysa a karton.
Kabayatanna, nakalibas iti kadua ti suspek a nabigbig iti alyas a “dan-dan” a ti agdama ket sapsapulen dagiti otoridad.
