VIGAN CITY- Tungpal-biyag a pannakaibalud iti dusa a sangwen ni Romulo Racoma Tesoro, agtawen iti lima pulo ket dua, baro, awanan pagsapulan ken agnaed idiay Paratong, Vigan City gapu ti kaso na a panagrames a mainaig iti panangabuso na ken ni Erika “Ikang” Peria idi August 2017 a rason iti nagpakamatayan ti balasang.
Ti agdama, nakakustodiya idiay Vigan City police station ti suspek kalpasan iti pannakakemmeg na idi parbangon ti January 23 ta inbanag da ti warrant of arrest na nga inparuwar ni Hon. Corpuz B. Alzate, presiding judge ti Regional Trial Court, Branch 21, First Judicial Region, Vigan City, Ilocos Sur a napetsaan idi January 29, 2018.
Maipalagip nga idi 2017, arigna simple a suicide incident laeng iti napasamak ngem gapu ti naun-uneg nga imbestigasyon ti Bombo Radyo Vigan babaen iti panangtarabay ti PNP, naduktalan iti panangab-abuso ti supek ken ni Ikang ket adda pay anak na kenkuana.
Babaen ti suicide note ti biktima nga intalek na kadagiti gagayyem na, naiwaragawag a ti suspek ti ama ti anak na ken ti pannakaab-abuso na ti rason iti nagpakamatayan na, nangruna ket saan a namati kenkuana na idi ti ina na a ni Janalyn Madriaga a live-in partner ti biktima.
