Maysa iti nadunor iti aksidente a nakairamanan ti public utility bus ken maysa ng SUV iti national highway idiay Barangay Tampugo, Tagudin, Ilocos Sur iti 8:30PM, March 29, 2026.
Ti nagmaneho iti Partas Bus ket lalaki nga agtawen iti uppat a pulo ket tallo, naasawaan, holder iti driver’s license nga agnaed idiay Barangay Salvador Segundo, Candon City.
Ti nagmaneho met iti puraw Mitsubishi Mirage hatchback ket lalaki nga agtawen iti pitopulo ket maysa, non-professional driver’s license, addaan ti impluwensya iti arak nga agnaed idiay Barangay Tampugo, Tagudin.
Agturong iti amianan a direksyon ti bus idinto a ti SUV ket agballasiw iti national highway nga aggapu iti laud nga agturong iti daya a paset iti kalsada ken inasistaran ti maysa a lalaki ngem saanna a napansin ti sumungad a bus isu a napasamak iti panagdinnungpar.
Na-damage iti akinsango a headlight iti bus idinto a nakaru iti dadael ti SUV iti front right panel ken passenger door ken saan pay nga ammo no mano ti gatad ti nadadael a paset.
Saan a naan-ano ti driver ti bus idinto a nagsagaba ti gasgas ti driver ti SUV ngem agpadada a naipan iti Ilocos Sur District Hospital, Barangay Bio, Tagudin.
