--Ads--
Dunor iti ulo ti sinagrap ti maysa a lalaki a nadungpar iti SUV iti national highway idiay Barangay Mambog, Sta. Cruz, Ilocos Sur.
Nabigbig ti nagmaneho iti Silver Hyundai Tucson 2.0 SUV a ni Roberto Sison Lardizabal Jr., agtawen iti uppat a pulo ket pito, taga-Barangay Dardarat, Tagudin.
Ti met pedestrian ket ni Salvador Sibayan Soming, agtawen iti limapulo, taga-Buguibog, Salcedo.
Iti pannaki-uman ti Bombo Radyo Vigan ken ni Police Major Vincent Tadeo, agpapa-abagatan ti lugan ket idi madanonna ti nakapasamakan ti insidente, bigla a bimmallasiw ni Soming a naggapu iti outer lane.
-- ADVERTISEMENT --
Naitaray iti ospital ni Soming gapu iti sinagrapna a dunor iti ulo idinto a saan met a naan-ano ti drayber ti SUV.
