VIGAN CITY – Natay iti maysa a lalaki iti napasamak a pammagsol idiay Brgy. Puro, Magsingal.
Nabigbig ti biktima a ni Bryan Tabigne Tabucol agtawen duwa pulo ket walo, mangngalap ken iti suspect a ni Jaime Reglos Manuel Jr, agtawen tallo pulo ket tallo, single, laborer ken agpada nga agnaed ti nasao a barangay.
Segun ti Magsingal Municipal Police Station, pikpikaren ti suspect ti motorsiklo nga adda iti open muffler na iti sangwanan iti pagtaenganna kabayatan iti panangpasangbayna iti baro a tawen iso a napan ti biktima iti pagtaengan ti suspect ta mapan na komprontaren agingga nga adda iti saan da a panagkinnawatan ngem immunan a naawa ti pasamak.
Sumagmamano a minutos iti napalabas napan ti suspect a nangkumprontar ti pagtaengan ti biktima agingga a nabagsol na iti tyan ni Tabucol.
Naitaray idiay Tolentino Clinic and Hospital ti biktima ngem indeklara ni Dr. Benjamin Tolentino III a dead on arrival.
