VIGAN CITY – Maysa a lalaki ti nabagkong ti namin tallo a daras idiay Brgy. Rubio, Galimuyod.
Nabigbig ti biktima a ni Jayson Danioan agtawen tallo pulo ket lima ken ti suspek a ni Irenio Abaya agtawen lima pulo ket innem agpada nga agnaed iti nasao a barangay.
Basar ti report manipod Galimuyod Municipal Police Station, agiinom iti arak dagiti dua kaddua dagiti gayyemda iti pagtaengan ni Dondon Guerrero ket kabayatan iti panagsalada ket adda iti saanda a panagkinnawatan.
Agawiden ni Danioan ket kabayatan iti panagawidna sinurot ti suspek ket kinunana a papatayanna ti biktima babaen ti iggemna a kutsilyo wenno Balisong.
Binansag ti biktima ni Abaya ngem nakalisi ti suspek agingga nakaasideg ket binagkongna ti tallo a daras ni
Danioan.
Nakalibas ti biktima a napan nagpaarayat kadagiti bumarangay ket naipan ti Candon City Hospital ken simmuko ken narekobre ti patadem nga inaramat ni Abaya.
