Naisayangkat ti search warrant operation iti pagtaengan ti maysa a lalaki idiay Cadanglaan, Sinait, Ilocos Sur a nakaalaan dagiti otoridad iti dua a paltog.
Ti respondent ket lalaki, agtawen iti limapulo ket maysa, naasawaan nga agnaed iday Barangay Cadanglaan, Sinait.
Insayangkat dagiti otoridad ti search warrant kontra iti lalaki gapu iti panaglabsingna iti Republic Act No. 19591 nga inruar ti Presiding Judge, Regional Trial Court, First Judicial Region, Branch 24, Cabugao a napetsaan idi March 31, 2026.
Naala kenkuana iti maysa a homemade caliber .22; maysa a magazine para iti caliber .22; lima a live ammunition para iti caliber .22; maysa a black sling bag; maysa a black holster; maysa a caliber .45; dua a magazines para iti caliber 45; ken 17 live ammunitions para iti caliber 45.
Ti imbentaryo ken markings dagiti ebidensya ket naisayangkat nga on-site nga immatangan dagiti mandatory witnesses ken ti respondent.
