--Ads--
VIGAN CITY – Natayen idi nasarakan ti maysa a lalaki a mapapati a nagbekkel idiay Sitio Apaleng Brgy. Pilar, Sta. Cruz.
Nabigbig ti biktima a ni Rainier Fabro Silapan nga agtawen ti tallo pulo, naasawaan ken agnaed ti nasao a barangay.
Iti pannaki-uman ti Bombo Radyo Vigan kenni PCapt. Gabriel Alessandro Labador, hepe ti Sta. Cruz Municipal Police Station, nasarakan ti biktima iti likod iti pagtaenganda a nakabitin iti tali ken awanen iti biagna.
Innayon ni Labador a nagririda iti asawana iti biktima ken tallo nga aldawen a saan a nagawid iti asawa na ket rabii idi kalman nakita dagiti residente a nakainom ti arak ni Silapan.
-- ADVERTISEMENT --
