VIGAN CITY – Naipaagas iti ospital ti maysa a lalaki gapu ti pannakabagkongna idiay Barangay Marozo, Narvacan, Ilocos Sur.
Nabigbig ti biktima a ni Norman Yamson, agtawen iti tallopulo ket lima, idinto a ti suspek ket ti amana a ni Flordelino Torres Tadeo, agtawen iti innem a pulo ket dua, agpada nga agnaed iti Barangay Marozo, Narvacan.
Maibasar iti pakauna nga imbestigasyon, nagiryag ti suspek ken napelwan gapu iti panangduldullit ti biktima kenkuana a mapan maturog.
Nakapungtot met ti biktima ket nangala iti awan kargana a botelya nga impettakna iti suspek.
Idi nakita ti suspek ti inaramid ti biktima, nangasot iti kutsilyo ken dinuyokna ti biktima iti akin-kannigid a paset ti tyanna.
Naitaray ti biktima iti ospital para ti pannakatamingna idinto a ti suspek ket nakakustodia metten iti Narvacan Police Station tapno dumalan iti husto a proseso.
Narekobre met ti armas nga inaramat ti suspek iti pammagkong.
