Maysa a lalaki ti naipaagas iti ospital gapu iti panangbagkong kenkuana ti kabsatna idiay Barangay San Pedro, Vigan City, Ilocos Sur.
Ti biktima ket maysa a nursing attendant, agtawen iti limapulo idinto a ti suspek ket agtawen iti tallopulo ket walo, maysa a utility worker.
Iti pannaki-uman ti Bombo Radyo Vigan ken ni PLTCOL. Reynaldo Mendoza Jr., sinangat ti nabartek a suspek ti biktima gapu iti mapukpukaw a tool-na nga isu ti met ti nagtaudan ti panagririda nga agkabsat.
Tapno maliklikan ti riri, ginuyod ti biktima ti inana ket pimmanawda iti pagtaenganda ken mapanda koma iti pagtaengan ti ikitna ngem sinurot ida ti suspek a nakaiggem iti kutsilyo.
I-lock koma ti biktima ti gate, ngem inasot ti suspek ti kutsilyo sa inwasiwasna isu a nadunor ti ima ti biktima a nakapuntaan ti nagbaetan ti tangan ken tammudona.
Kabayatanna, nakemmeg met ti suspek babaen iti pannakaiwayat ti manhunt operation.
