VIGAN CITY – Aksidente a napaltoganna ti timidna ni Ronald Arienda Bagagnan, agtawen iti uppat a pulo ket dua, naasawaan, negosyante nga agnaed idiay Barangay Pussuac, Sto. Domingo, Ilocos Sur.
Ti aksidente ket napasamak idiay Barangay Gongogong, San Ildefonso.
Segun ti San Ildefonso Municipal Police Station, nagturong ni Bagagnan kadagiti duty personne ti HIPAD idiay San ildefonso babaen ti panagmotorsiklona iti nangisit a Yamaha Mio 125 ket pinasingkedanna a napaltoganna ti timidna babaen ti air gun, ket idi naawanan ti oxygen ti air gun ket inkeddengna nga i-refill.
Bayat ti panagrefill na ket saanna a napansin a ti ungto ti air gun ket nakapaturong iti rupana ket aksidente a nakalbitna isu a naptamaan ti timidna.
Gapu ti pasamak ket impan dagiti duty personnel iti HI-PAD ti biktima iti Northside Doctors Hospital, Guimod, Bantay para ti pannakatamingna.
