Limagasut a manggalap manipud iti sangapulo ket tallo a barangay iti Cabugao, Ilocos Sur ti nakaawat ti cash assistance a kanayunan a livelihood capital manipud iti Department of Social Welfare and development Field Office 1 (DSWD FO 1) idi Lunes, Setiembre 14.
Naited ti tulong babaen ti Sustainable Livelihood Program (SLP) ti ahensia kas paset ti “Handog ng Pangulo: Sufficient Service for All” initiative ti gobierno.
Manamnama nga usaren dagiti benepisiario ti cash assistance a paggatang kadagiti fishing equipment ken dadduma pay a suplay a mangsuporta ken mangpalawa iti pagbiagda.
Segun iti DSWD, ti nayon a kapital ket nairanta a tumulong kadagiti mangngalap a mangbangon iti ad-adda a natalged ken sustainable income sources para kadagiti pamiliada.
