VIGAN CITY – Mapapati a naatake ti maysa a lalaki a nasarakan iti dumpsite idiay Barangay Manzante, Magsingal idi alas kwatro iti malem idi August 26.
Nabigbig ti biktima a ni Patricio Jovita, agtawen ti pito pulo ket uppat, naasawaan, agkolkolekta ti basura ken agnaed iti nasao a lugar.
Segun ken ni Police Captain Mark Lagman, hepe ti Magsingal municipal police station, nagpakada ti biktima ken ti asawa na a mapan agkolekta iti basura idi alas nuwebe iti bigat idi August 26 ngem idi napan iti ipag ti biktima a ni Purificacion Tayaba iti dumpsite, nakita nan ti biktima a nakapakleb ken awan poot na isu a napan nagpaarayat iti police station.
Insigida a nagresponde dagiti pulis ket naipan ti biktima iti ospital ngem naideklerar a dead on arrival.
