VIGAN CITY – Naipilan ti kaso a panaglabsing iti Republic Act 9165 kontra ken ni Jano Mapili Gonzales, agtawen iti duapulo ket uppat, addan ti live-in partner agnaed idiay Nalasin, Sto. Domingo idinto a mawaya-wayaan ti kaduana a taga-Sta. Monica, Magsingal kalpasan a nakemmegda iti buy bust operation idiay idiay Barangay San Pablo, Sto. Domingo.
Iti pannaki-uman ti Bombo Radyo Vigan ken ni PCpt. Joseph Fieldad nga Officer-in-Charge idiay Sto. Domingo Municipal Police Station, nagilako ni Gonzales iti shabu iti polis a nagpammarang a buyer ngem bayat ti transaksyon ket isu ti pannakakemmegna ken ti kaduana.
Segun ken ni Fieldad, adun ti damagda mainaig ti ilegal nga aktibidad ni Gonzales isu a naisayangkat iti operasyon a nakaalaan ti maysa a heat sealed transparent plastic sachet a naglaon ti mapapati a shabu, P1,000 buy bust money, dua a unit iti celphone ken maysa a motorsiklo a Yamaha mio.
Naamoan a nagpositibo ti drug test ni Gonzales idinto a ti kaduana ket napaneknekan nga awan ti kainaiganna iti ilegal nga aramid ta nakigtot laeng iti pannakakemmegna ta kinuyogna ni Gonzales isu a winaya-wayaan iti pisikalya.
VIDEO – PCPT. JOSEPH FIELDAD
