--Ads--
VIGAN CITY – Kinemmeg dagiti pannakabagi ti linteg iti maysa a lalaki a napan nagsirip iti karrubana idiay Brgy. Quezon, Cabugao.
Nabigbig ti suspek a ni Edison Cueto Ventura agtawen ti uppat a pulo ket walo nga agnaed iti nasao a lugar.
Segun ti Cabugao Municipal Police Station, agdigdigos ti biktima nga agtawen ti tallo pulo ket siyam a babai nasawaan ket nadlaw na nga adda iti lalaki nga agsirsirip kenkuana iti tawa iti kasilyada.
Linagto ti suspek iti concrete fence ket timmaray a nagpalaud a direksyon iso a nangisayangkat ti hotpursuit operation ti PNP a nakakemmegan da ti suspek iti mismo a pagtaenganna.
-- ADVERTISEMENT --
Ti agdama addaan ti kustodiya ti Cabugao PNP ti suspek ket maisagsaganan iti kaso a sangwenna.
