VIGAN CITY – Panaglabsing iti Presidential Decree 705 wenno Forestry Reform Code of the Philippines ti sangwen ti maysa a lalaki nga iligal a nagpukan iti kayo idiay Barangay Baringcucurong, Suyo, Ilocos Sur.
Nabigbig ti suspek a ni Roderick Artillaga Hernando, agtawen iti tallopulo ket lima, taga-Barangay Garitan, Tagudin.
Nagreport ni Marcos Perez Lauyan, agtawen iti tallopulo ket maysa, taga-Barangay Cabugao, Suyo iti kuerpo ti pulisya, ket kunana a nakitana ti suspek ken dagiti uppat a kakaduana a nagpukan kadagiti kayo ti narra babaen kadagiti chainsaw.
Nakikammayet ti Suyo Police Station iti DENR-Bitalag, Tgaudin ket natakuatan nga awan ti permit ti suspek nga agpukan iti kayo.
Nagturong met dagiti kameng ti Suyo Municipal Police Station, kadua ti DENR iti lugar ket nakitada dagiti agkaiwara a nagpukanan iti narra.
