--Ads--
Maysa a lalaki ti nakemmeg gapu iti panagprobokarna iti Barangay Apatot, San Eesteban, Ilocos Sur.
Ti suspek ket agtawen iti duapulo ket walo, mangngalap, agnaed iti nasao a lugar.
Agpatpatrolya dagiti pannakabagi ti linteg iti igid ti kabaybayan idin ta makaawatda iti report nga adda lalaki nga agprobprobokar iti nasao a barangay.
Idi makasangpetda iti lugar, nadanonanda ti nakainom a suspek nga agprop-probokar ken mangkarkarit kadagiti karrubana.
-- ADVERTISEMENT --
Idi anawaen dagiti pannakabagi ti linteg, natangken latta ti ulo ti suspek ket pinadasna pay a dangran ti maysa a tao.
Gapu iti dayta, kinemmegda ti suspek ket sumango iti kaso a panaglabsing iti Article 151 ti Revised Penal Code.
