Nakemmeg ti maysa a lalaki a nagpaputok iti paltog idiay Barangay Paguraper, Sto. Domingo, Ilocos Sur.
Nabigbig ti suspek a ni Robert Relon Soliven, agtawen iti tallopulo, agnaed iti nasao a lugar.
Iti pannaki-uman ti Bombo Radyo Vigan ken ni Police Captain Joseph Fieldad, limmabas ti suspek iti pagtaengan ni Reynaldo Torricer Soliven a manarimaan a makiin-inninom iti maysa a managan iti Sammy Ujano.
Nakiinom met ti suspek kadakuada, idin ta rimsua ti saanda a pagkinnaawatan a nagresulta iti riri.
Nagawid ti suspek ket innalana ti caliber 38 sa nagpaputok iti naminsan a daras.
Nagresponde dagiti pannakabagi ti linteg iti insidente ket boluntaryo nga insuko ti suspek ti paltog nga adda naikabil a tallo a bala ken maysa a fired cartdridge.
Sangwen ti suspek ti kaso a panaglabsing iti Republic Act 10591 wenno Comprehensive Firearms and Ammunition Act.
