VIGAN CITY- Kaso a panaglabsing ti Republic Act 10591 wennu Comprehensive Law on Firearms and Ammunitions Act ken Omnibus Election Code iti sangwen ni Gerry Macayan Lanzuela nga agtawen iti tallo pulo ket dua, maysa a construction worker ken agnaed idiay Cabaroan, Tagudin gapu iti panagpaputok na iti paltog idi nabartek idi alas nuebe ti rabii idi May 26 idiay Lacong, Tagudin.
Nasurok a sangagasut a ribo a pisos iti intuding ti korte a piyansa ti suspek para iti temporaryo a pannakawaya-waya na ta iti agdama ket adda pay laeng iti kustodiya dagiti otoridad.
Ti panagpaputok iti paltog ti suspek ket inreport kadagiti pannakabagi ti linteg ni Tito Fabro Mon nga agtawen iti lima pulo ket pito, naasawaan ken chief tanod ti Barangay Lacong, Tagudin ta dua a nagsaruno a putok iti paltog iti nangngeg na sumagmamano a metro manipud iti pagtaengan da.
Idi nagresponde dagiti otoridad, nakemmeg ti suspek ken naala iti ikot na iti maysa a homemade caliber 38 revolver nga awan serial number na nga adda maysa a bala na.
